20.06.2024 күні Республикалық «Таза Қазақстан» акциясы аясында өткен «Plogging және Спорттық бағдарлау» жарысына №72 мектеп-лицейінің командасы белсенді қатысты. Жарыстың мақсаты - мектеп оқушылары арасында экологиялық белсенділікті дамыту және салауатты өмір салтын қалытастыру, плоггингті (плоггинг - жүгіру кезінде қоқыс жинау) кеңінен насихаттау. Астана қаласының Орталық саябағында өткен жарыс 10-14 жас аралығындағы 4 қатысушыдан тұратын командалар үшін өткізілді. Оқушылар әр шеткі нүктеге және мәреге бірге келуі қажет болды. Жарыс кезінде оқушылар тұрмыстық қалдықтарды жинап, белгіленген бағыт бойынша картамен уақытқа жүгірді.