18.03.2024 күні №72 мектеп-лицейінде «Ұлттық киім күні» аясында қазақтың ұлттық киімінен дефиле өткізілді. Ұлттық киім күні – киім үлгісі арқылы әр адамға өз даралығын білдіруге, сонымен қатар Қазақстанның бірлігі мен мәдени әралуандығын танытуға мүмкіндік береді. Іс-шараның мақсаты – оқушыларды қазақ мәдениеті мен ұлттық бірегейлігін мақтан тұтуға, ата-бабаларымызға құрмет көрсетуге және озық дәстүрлерімізді қазіргі заманға жалғауға үйрету. Оқушылар өздерінің киім үлгілерін көрсетіп қана қоймай, халық әндерін орындау, би билеп, домбыра шерту өнерлерін де көрсетті. Іс-шара соңында ең үздік киім мен әшекей бойынша орындар берілді.