Астана аумақтық кіші жүйелерінің азаматтық қорғанысын жетілдіру бойынша негізгі іс-шаралар жоспарына сәйкес 14 сәуір күні мектеп-лицейіміздің азаматтық қорғанысын ұдайы дайындықта ұстау, техногендік сипаттағы төтенше жағдай туындай қалған мезетте тұрақты және ауыспалы құрамның сауатты қимылдай білу дағдыларын одан әрі жетілдіру мақсатында «Өрт қаупі пайда болған кезде оқушылар мен мұғалімдерді қауіпсіз аумаққа эвакуациялау» тақырыбымен нысандық жаттығу өткізілді.

Жаттығу барысында қауіпсіздік ережелері қатаң сақталып, пән мұғалімдері мен сынып жетекшілерінің нұсқауларын ыждағаттылықпен орындаған оқушылар ұйымшылдық таныта отырып мектеп ғимаратынан қауіпсіз аумаққа белгіленген уақытта шығып үлгерді.