2025 жылдың 17 сәуірінде №72 мектеп-лицейінде 7-сынып оқушыларына арналған прокурорлық сағат өтті. Оқушылармен профилактикалық сағатты «Сарайшық» ауданының прокуратурасы өкілі Жигули Д.М., ювеналды полиция инспекторы Алходжаева А.А. және төтенше жағдайлар қызметінің өкілі Құмаров А.Ә. өткізді. Іс-шара барысында қонақтар оқушыларға құқықтық сауаттылықты арттыру, кәмелетке толмағандар арасындағы құқықбұзушылықтардың алдын алу, өз іс-әрекеттеріне жауапкершілікпен қарау мәселелері бойынша түсіндіру жұмыстарын жүргізді. Жазғы демалыс қарсаңында балалардың қауіпсіздігін сақтау мақсатында төтенше жағдайлар қызметінің мамандары судағы қауіпсіздік, үйдегі терезелерді ашық қалдырмауға қатысты балалармен ашық схбат жүргізді.