Бүгін 12.02.2025ж. №72 мектеп-лицейінде Қазақстанның еңбек сіңірген қайраткері, «Астана Опера» театрының жетекші, балеринасы, еліміздің атын халықаралық деңгейде танытып жүрген Айгерім Бекетаевамен кездесу болып өтті.
  Кездесу барысында оқушыларға қазақ балет өнерінің дамуы, Айгерім Бекетаеваның шығармашылық жолы мен жетістіктері туралы мағлұмат берілді. Сонымен қатар, жас буынды өнерге баулу, олардың қызығушылығын арттыру және кәсіби бағдар беру бағыты да жүзеге асты. Кездесуде Айгерім Бекетаеваның әңгімесі – балет өнеріндегі жолы, жетістіктері, тәжірибесі туралы сұхбатпен жалғасты.
   Сұрақ-жауап сессиясы – оқушылар өз сұрақтарын қойып, қызықты жауаптар алды.
  Айгерім Бекетаеваның болашақ өнерпаздарға арналған тілегін айтып, өз атынан мектепке кітаптар мен спортқа арналған жабдықтар сыйлады. Кездесу өте қызықты әрі әсерлі өтті. Оқушылар балет өнері туралы мол мағлұмат алып, үлкен әсермен тарқасты. Айгерім Бекетаеваның сыйлықтары мектеп оқушыларына шабыт беріп, олардың шығармашылық пен спортқа деген ынтасын арттырды.