Республика күніне орай біздің мектептің кітапханасында "Менің Отаным - менің Қазақстаным"  тақырыбында зияткерлік ойыны өтті. Ойынға біздің лицей оқушыларымен қатар №83 мектеп-гимназия, №98 мектеп-лицей және №102 мектептен командалар шақырылды. Әр командада алтыншы сынып оқушыларынан үш ойыншыдан болды. Ойын екі турдан тұрды. Қазылар алқасы жеңімпаздарды анықтап, 1 дәрежелі дипломмен №72 лицей командасын, 2 дәрежелі дипломмен №83 гимназия командасын, 3 дәрежелі дипломды №102 мектеп командасы алды, сондай-ақ қатысқаны үшін сертификатты №98 лицей оқушыларына табыс етті. Іс-шара соңында ұйымдастырушылар барлық қатысушыларға тәтті сыйлықтар сыйлады.